რუმინეთის დედაქალაქში, ბუქარესტში ფართომასშტაბიანი აქციებით გააპროტესტეს მთავრობის განკარგულება, რაც კორუფციული დანაშაულის დეკრიმინალიზაციას გულისხმობს. გადაწყვეტილება სამშაბათს ღამით მიიღეს. აქციის მონაწილეების შეფასებით, ეს გადაწყვეტილება არის დიდი უკანდახევა მას შემდეგ, რაც რუმინეთი 2007 წელს ევროკავშირში გაწევრდა.
Reuters-ის ინფორმაციით, გუშინ ღამით მთელი ქვეყნის მასშტაბით დაახლოებით 250 000 ადამიანი აპროტესტებდა ამ გადაწყვეტილებას.
აქციის მონაწილეების ერთმა ჯგუფმა ქვები და ფოიერვერკები ისროლა პოლიციის მიმართულებით, პოლიციამ კი მათ წინააღმდეგ ცრემლდენი გაზი გამოიყენა. ქვების სროლის შედეგად დაშავებულია ორი პოლიციელი და ორი მოქალაქე.
სოციალ-დემოკრატიული პარტიის ლიდერის, პრემიერ-მინისტრ სორინ გრინდანუს განცხადებით, საჭიროა გადატვირთული ციხეების განტვირთვა. მოწინააღმდეგები მას კორუფციაში ბრალდებული პირების მფარველობასა და მათთან კავშირში ადანაშაულებენ.
