კულტურული მემკვიდრეობის დაცვის  სააგენტოს დირექტორის ბრძანების საფუძველზე კულტურული მემკვიდრეობის ძეგლის სტატუსი რამდენიმე ობიექტს მიენიჭა.

კულტურული მემკვიდრეობის ძეგლთა სიაში მოხვდა გიორგი შატბერაშვილის სახლი, კასპის რაიონის სოფ. თვალადში (XVIII საუკუნის შუახანა-XX საუკუნის დასაწყისი).

ასევე, ივრისპირის ნაქალაქარი და ყორღანი, დედოფლისწყაროში - ანტიკური (ძვ.წ. II ახ.წ. IV სს.). ხორანთის ნაქალაქარი, დედოფლისწყარო, ძვ.წ. I ათასწლეულის მეორე ნახევრიდან 1265 წ. 

კულტურული მემკვიდრეობის ძეგლის სტატუსი მიენიჭა ასევე რამდენიმე ეკლესიას. მათ შორისაა „სურბ-სარქისის“ ეკლესია, გურჯაანში სოფ. ვაზისუბანში - მეცხრამეტე საუკუნის დასაწყისის. მაროდიშის ეკლესია, მცხეთაში, ძველი ქანიდის სასაფლაოზე, რომელიც გვიან შუა საუკუნეებს ეკუთვნის.

ნაეკლესიარი ხულოს მუნიციპალიტეტის, სოფ. კალოთაში, რომელიც XI-XIII სს. პერიოდით თარიღდება.

 წმ. დემეტრეს ეკლესია, კასპში სოფ. საქადაგიანოში -  ეკლესია  - 1498 წ.  კარიბჭე - XVII ს-ის ბოლო  XVIII ს. კედლის მხატვრობა - XV –XVII სს. ასევე, წმ. გიორგის ეკლესია, თელავში სოფ. ბუშეტში - XIX-ს.

სიაში მოხვდა კოშკი-სამრეკლო, კასპის რაიონის, სოფ. ხოვლეში, რომელიც გვიანი შუა საუკუნეების ძეგლია.