საქართველოოს სტატისტიკის ეროვნული სამსახური იანვრის ინფლაციის მონაცემებს აქვეყნებს. საქსტატის ინფორმაციით, 2017 წლის იანვარში საქართველოში ინფლაციის დონემ წინა თვესთან შედარებით 2,9% შეადგინა. წინა წლის შესაბამის თვესთან შედარებით სამომხმარებლო ფასების ინდექსი 3,9% გაიზარდა, ხოლო 2010 წლის საშუალოსთან შედარებით ინდექსი გაზრდილია 22,5 %-ით.
ინფლაციამ გავლენა მოახდინა ფასების ცვლილებაზე. სურსათსა და უალკოჰოლო სასმელებზე ფასები გაიზარდა 4.2% -ით. ფასები ასევე გაიზარდა ბოსტნეულისა და ბაღჩეულის (22,4%), ხილისა და ყურძნის (8,9%), რძის, ყველისა და კვერცხის (3,1%), ზეთისა და ცხიმის (3,1%), თევზეულის (2,8%) და ხორცისა და ხორცის პროდუქტების (2,5%).
საქსტატის ინფორმაციით, ტრანსპორტის ჯგუფზე ფასები გაიზარდა 7,2%. ფასების მატება დაფიქსირდა პირადი სატრანსპორტო საშუალებების ექსპლუატაციაზე (10,1%) და სატრანსპორტო საშუალებების შეძენაზე (4,9%).