Search
"ლიბერალი" მისამართი: თბილისი, რუსთაველის 50 ტელეფონი: +995 32 2470246 ელ. ფოსტა: [email protected] Facebook: https://www.facebook.com/liberalimagazine
გაგზავნა
გაგზავნა

კვიციანი: რა საერთო აქვს სიტყვის თავისუფლებასა და ცილისწამებას?!

08 თებერვალი, 2017 15:10

„რა საერთო აქვს სიტყვის თავისუფლებასა და ცილისწამებას ერთმანეთში", - ამის შესახებ დეპუტატმა, ემზარ კვიციანმა დღეს, პარლამენტის პლენარულ სხდომაზე განაცხადა.

 „2005 წელს, ჩვენდა სამწუხაროდ, ეუთოს რეკომენდაციით გაუქმდა ცილისწამების მუხლი, რაც ქვეყნის მტრებმა და კერძოდ, ტერორისტმა სააკაშვილმა გამოიყენა ჩვენი ხალხის საწინააღმდეგოდ. ძალიან დიდი გამოეხმაურებაა საზოგადოებაში ამ მუხლზე და ითხოვენ, რომ ეს მუხლი აღდგეს. რატომ ვართ წინააღმდეგი ამ მუხლის აღდგენის, ვერ გავიგე. თითქოსდა, სიტყვის თავისუფლებას ეწინააღმდეგება. რა საერთო აქვს სიტყვის თავისუფლებასა და ცილისწამებას ერთმანეთში", - განაცხადა კვიციანმა.

მისი თქმით, უნდა შეჩერდეს ეს უბედურება, რომელიც მთელი მსოფლიოსთვის პრობლემაა.

„ვისაც არ გამოუცდია, რა არის ცილისწამება, მე შემიძლია ვთქვა, რომ ღმერთმა არც გამოგაცდევინოთ ნურავის. დღესაც არ არიან გამოსულები სტრესიდან ჩემი შვილები, ამ ცილისწამების გამო. არსებობენ ბავშვთა უფლებების დამცველები, ხმას არ იღებენ ამაზე.  ბავშვს, რომელსაც ესმის მშობელზე ცილისწამება, თან ტელევიზიებით, ტელევიზიები ამაზე 24 საათი მუშაობდნენ, იქნებ შევაჩეროთ ეს უბედურება, რომელიც მთელი მსოფლიოსთვის პრობლემაა“, - განაცხადა კვიციანმა.

2004 წლის 24 ივნისს საქართველოს პარლამენტმა მიიღო კანონი სიტყვისა და გამოხატვის თავისუფლების შესახებ, რითაც რადიკალურად შეიცვალა ის საკანონმდებლო ბაზა, რომელიც ქვეყანაში სიტყვისა და გამოხატვის თავისუფლების რეჟიმს აწესრიგებდა. ახალმა კანონით, საქართველო იმ  ქვეყანათა შორის მოხვდა, სადაც ცილისწამება სისხლის სამართლის კანონმდებლობით დასჯადი დანაშაული არ არის.

ცილისწამებისა და შეურაცხყოფის ფაქტების კრიმინალიზების საჭიროებას საქართველოს იურიდიულ მეცნიერებათა აკადემიაც ხედავს. მათ შესაბამისი საკანონმდებლო წინადადებითაც მიმართეს პარლამენტს.

მამუკა მდინარაძე: ცილისწამების კრიმინალიზება უკან გადადგმული ნაბიჯი იქნება

კომენტარები

ამავე რუბრიკაში

20 ივნისი
20 ივნისი

იყო აღმაშფოთებელი შეცდომა, რომელმაც მთელ ...

პოლიტიკური გაერთიანება “ქართული ოცნება - დემოკრატიული საქართველოს“ სახელით, მსურს კიდევ ერთხელ გამოვეხმაურო ...
20 ივნისი
20 ივნისი

სამოქალაქო აქტივისტები "რედისონთან", სად ...

 სამოქალაქო აქტივისტები "რედისონთან", სადაც რუს პოლიტიკოსებთან ერთად სერგეი გავრილოვი იმყოფება, აქცი ...
20 ივნისი
20 ივნისი

„როგორც კი გავიგე, მოვითხოვე სესიის შეჩე ...

საქართველოს პარლამენტის თავმჯდომარე ირაკლი კობახიძე საქართველოს პარლამენტში მართლმადიდებლობის საპარლამენტთაშორისო ასამბლ ...
^