თბილისში, ვაჟა–ფშაველას გამზირზე, სამგზავრო მიკროავტობუსი ავარიაში მოყვა. როგორც შსს-ში „ლიბერალს“ განუცხადეს მსუბუქი ავტომობილისა და მიკროავტობუსის შეჯახების შედეგად, მიკროავტობუსი ამოტრიალდა. შემთხვევის შედეგად ერთი ადამიანი მსუბუქად დაშავდა.

შსს-ს ცნობით, საქმეზე გამოძიება სისხლის სამართლის კოდექსის 276-ე მუხლის პირველი ნაწილით დაიწყო, რაც გულისხმობს ტრანსპორტის მოძრაობის უსაფრთხოების ან ექსპლუატაციის წესის დარღვევას, რამაც გამოიწვია ჯანმრთელობის ნაკლებად მძიმე დაზიანება.