ტელეკომპანია „ობიექტივი“ პატრიარქის ვიდეოგანცხადების განსხვავებულ ვერსიას აქვეყნებს. ტელეკომპანია "ობიექტივის" განცხადებით, პატრიარქის ვიდეომიმართვა, რომელიც რამდენიმე დღის გავრცელდა დამონტაჟებულია.
“რა მოხდა? რატომ მოხდა, რომ მამა გიორგი ლაპარაკობს ხან ერთს, ხან მეორეს? ვისი დავალებით ხდება ეს?” – ეს ტექსტი პაქრიარქის იმ ვიდეოგანცხადებაში არ არის, რომელიც ორი დღის წინ ზუგდიდისა და ცაიშის ეპარქიის გვერდზე გავრცელდა.
„ობიექტივის“ მიერ გავრცელებული პატრიარქის ვიდეოგანცხადების სრული ჩანაწერი ამგვარია:
“…სამწუხაროდ, მე მომიხდა გერმანიაში ჩამოსვლა და გამიკეთეს ნაღვლის ოპერაცია. ოპერაცია კარგად დამთვარდა, კარგი შედეგებია, ექიმები იტყვიან ამის შესახებ. მე ასევე მინდა შევეხო იმ უცნაურ და არანორმალურ სიტუაციას, რომელიც დაკავშირებულია მამა გიორგი მამალაძესთან. მე ვიცნობ მამა გიორგის, უკვე კარგა ხანია, და კარგის მეტი მე არაფერი მომისმენია და მინახავს მისგან.
რა მოხდა? რატომ მოხდა, რომ მამა გიორგი ლაპარაკობს ხან ერთს, ხან მეორეს? ვისი დავალებით ხდება ეს?
მინდა ვთქვა ერთი რამ, ჩვენი ეკლესია და ქვეყანა და ქართველი ხალხი, საქართველოს მოსახლეობა მუდამ იყო ერთი გამთლიანებული ორგანიზმი და იქნება მომავლაში და ვერავინ შეძლებს ჩვენი ერისა და ეკლესიის დარღვევას. მე სამ დღეში ჩამოვალ თბილისში და მე იმედი მაქვს, რომ ყველაფერი დამშვიდდება, გაირკვევა და ყველაფერი ნორმაზე დადგება,”- ამბობს პატრიარქი.
