თბილისში, საკრებულოს სასხვენო გადახურვას ხანძარი გაუჩნდა. საგანგებო სიტუაციების მართვის სამსახურში აცხადებენ, რომ ხანძარი ამჟამად ლოკალიზებულია.
„20-30 კვადრატულ მეტრამდე აღწევდა ხანძარი, შენობაში მყოფი ადამიანების ევაკუაცია განხორციელდა, ხანძარი უკვე ლოკალიზებულია და რამდენიმე წუთში ლიკვიდაციასაც მივიღებთ. მობილუზებული იყო 9 სახანძრო მანქანა“,- განუცხადეს „ლიბერალს“ საგანგებო სიტუაციების მართვის სამსახურში.
