დღეს მონიტორინგის ცენტრმა „მედიატორმა“ და პარტია „ახალმა საქართველომ“ ერთობლივი კვლევის შედეგები გამოაქვეყნეს.
კვლევის შედეგების მიხედვით, მილიონობით ლარის დეკლარირებულ ქონებას ფლობს 6 მინისტრი - კახი კალაძე 36.604.500 ლარის ქონებას ფლობს, ტარიელ ხეჩიკაშვილი - 11.253.00, ქეთევან ციხელაშვილი 9.748.000, გიორგი გახარია - 5.019.000, ზურაბ ალავიძე - 2.442.000, ხოლო დიმიტრი ქუმსიშვილი კი - 1.965.000 ლარის ქონებას.
კვლევის ერთ-ერთი ავტორის, ლევან ხაბეიშვილის თქმით, მინისტრები, საპარლამენტო უმრავლესობისა და უმცირესობის წარმომადგენლები მილიონობით ლარის დეკლარირებულ ქონებას ფლობენ. მათ დეკლარაციების შესწავლის შედეგად დაამუშავეს ინფორმაცია.
ლევან ხაბეიშვილმა საუბრისას აღნიშნა, რომ მმართველი პარტიის 115 დეპუტატიდან 37 მილიონერია.
„ეს არის საბაზრო ღირებულებება იმ ქონების, რომელსაც დეპუტატები ფლობენ, ცდომილება მაქსიმუმ შეიძლება 10%. უმრავლესობამ თანხა თავად მიუთითა, მაგრამ ვისაც არ აქვს მითითებული, ის საბაზრო ღირებულებით გამოვითვალეთ. ვიღაცებს გონივრულ ფასზე ნაკლები ეწერა ფასი. მაგალითად, ფალიაშვილზე 100$ ხომ ვერ იყიდი ბინას, ვიღაცებს ასეც ეწერათ“ - განუცხადა „ლიბერალს" ლევან ხაბეიშვილმა.
