ლოს ანჯელესში პრესის საერთაშორისო აკადემიის რჩეულები გამოავლინეს. საუკეთესო დებიუტისთვის კი „სატელიტი“ ქართველ რეჟისორს, რუსუდან გლურჯიძეს გადასცეს ფილმისთვის - „სხვისი სახლი". - ინფორმაციას საქართველოს კინემატოგრაფიის ეროვნული ცენტრი ავრცელებს.
ნომინაციაში დაჯილდოვდნენ ისეთი ცნობილი და აღიარებული ფილმები, როგორებიცაა: La La Land, Moonlight, The Salesman, Manchester by the Sea, Jackie, Hacksaw Ridge, Elle და ა.შ.
„სხვისი სახლი“ ეროვნული კინოცენტრის მხარდაჭერით შექმნილი ფილმია, რომელმაც უკვე მოიპოვა არაერთი საერთაშორისო ჯილდო, მათ შორის, მთავარი პრიზები - კარლოვი ვარის, ბერგენის, ევრაზიისა და თბილისის საერთაშორისო ფესტივალებზე.
პრესის საერთაშორისო აკადემია გლობალური ასოციაციაა, რომელიც სხვადასხვა მიმართულებით მომუშავე პროფესიონალი ჟურნალისტებისგან არის დაკომპლექტებული.
„სატელიტის“ ჯილდო 1996 წლიდან გაიცემა და იგი ერთ-ერთ ყველაზე პრესტიჟულ ჯილდოდ მიიჩნევა.