კათოლიკოს-პატრიარქს აქვს სურვილი შეხვდეს დეკანოზ გიორგი მამალაძეს, - ამის შესახებ ჟურნალისტებს დღეს სახალხო დამცველმა უჩა ნანუაშვილმა განუცხადა, რომელმაც პატრიარქი გუშინ მოინახულა.
ნანუაშვილმა კიდევ ერთხელ აღნიშნა, რომ დაცვის მხარისთვის გაუთქმელობის ხელწერილზე პირობების შეცვლა აუცილებელია.
„იმ პირობებში, როცა პროკურატურის წარმომადგენლების მხრიდან არა ერთი საჯარო განცხადება გაკეთდა, სამწუხაროდ, დაცვას საკუთარი არგუმენტების გაზიარების შესაძლებობა არ ეძლევა. ჩემი აზრით, ეს არის სერიოზული დარღვევა. ამ ფონზე ახალი ადვოკატისათვის გარკვეული პირობების წაყენება მეტ კითხვის ნიშნებს წარმოშობს“, - განაცხადა ნანუაშვილმა ჟურნალისტებთან საუბრისას.
