„დღეს მთავრობაზე წარვადგინეთ ჯამში 17 კანონპროექტისგან შემდგარი პროექტი, რომელიც ითვალისწინებს საფინანსო სექტორის ზედამხედველობის ეროვნულ ბანკში დაბრუნებას“,- ამის შესახებ ფინანსთა მინისტრმა დიმიტრი ქუმსიშვილმა განუცხადა.
2015 წელს პარლამენტმა მიიღო ცვლილება, რომლის თანახმადაც, საფინანსო სექტორის ზედამხედველობის ფუნქცია დამოუკიდებელ სსიპ-ს, საფინანსო ზედამხედველობის სააგენტოს უნდა გადასცემოდა. შემდეგ ეს ცვლილებები საკონსტიტუციო სასამართლოში გასაჩივრდა.
„შესაბამისად, ბოლო პერიოდში მომხდარი ცვლილებების შედეგად, მივიჩნევდით, რომ საფინანსო სექტორის ზედამხედველობა უნდა დაბრუნებულიყო ეროვნულ ბანკში. ამდენად არ ველოდებით საკონსტიტუციოს მსჯელობას ამ საკითხზე და პარლამენტს კანონპროექტებს პირვანდელი სახით წარვუდგენთ",- აღნიშნავს ფინანსთა მინისტრი.