ჯანდაცვის მინისტრი დავით სერგეენკოს განცხადებით, საყოველთაო ჯანდაცვის პროგრამაში ის სამედიცინო დაწესებულებები ჩერთვებიან, რომლებიც გარკვეულ კრიტერიუმებს დააკმაყოფილებენ და ემ ეტაპზე ეს მხოლოდ დიდ ქალაქებში არსებულ დაწესებულებებს შეეხება.
მისი თქმით, ეს არის პირველი ნაბიჯი იმ რეფორმებისა, რომელთა შესახებაც სამინისტრომ განაცხადა და რომელიც უფრო მაღალი ხარისხის უზრუნველყოფის მიზნით სამედიცინო დაწესებულებების სელექციურ კონტრაქტირებას გულისხმობს.
„პირველ ეტაპზე ეს შეეხო ალბათ ყველაზე უფრო მნიშიშვნელოვან მიმართულებას - დედათა და აბვშვთა ჯანმრთელობას. შემოვიდა კრიტერიუმები, რომელთა დაკმაყოფილების შემთხვევაშიც, სამედიცინო დაწესებულებებს საშუალება ექნებათ, საყოველთაო ჯანდაცვის პროგრამაში ჩაერთონ. ეს კრიტერიუმები მოიცავს რამდენიმე მიმართულებას, დაწყებული ინფექციების კონტროლის ხარისხით, ახალშობილთა და ორსულთა მოვლით, ასევე გარკვეულ ინფრასტრუქტურულ და აღჭრვულობით კრიტერიუმებს" - თქვა სერგეენკომ.
მისი თქმით, ამ ინიციატივას წინ უძღვოდა 2-წლიანი მუშაობა, როცა მთელი საქართველოს მასშტაბით შეფასდა სამედიცინო დაწესებულებები დედათა და ბავშვთა მოვლის მიმართულებით და განისაზღვრა აუცილებელი ცვლილებები, რომლებიც უახლოეს პერიოდში შევა ძალაში.
„ვფიქრობთ, რომ 1 მარტიდან უკვე ეს ახალი კრიტერიუმები დაინერგება. მისი მიზანია, უზრუნველყოს უფრო მაღალი ხარისხის სამედიცინო მომსახურება და უფრო ხარჯეფექტური მოვლა" - თქვა მინისტრმა.