ჟურნალისტ ეკა ფირცხალავას ტელეკომპანია „მაესტროში“ სამსახურს სთავაზობენ, მისი მოვალეობა არხის იმგვარად რეორგანიზება იქნება, რომ კომპანია ნიუსებზე იყოს ორიენტირებული.
"ვფიქრობ, რომ დავთანხმდები, წინადადება საინტერესოა და მე მაქვს ამ ტიპის გამოცდილება" - უთხრა ფირცხალავამ „ლიბერალს“.
ჟურნალისტის თქმით, ის არ იქნება ტელეკომპანიის დირექტორი, არამედ მხოლოდ ხსენებულ პროექტს უხელმძღვანელებს.
როგორც ჰოლდინგ იმედის განცხადებაში ვკითხულობთ, 2017 წლიდან მაესტრო იმედის ნაწილი უნდა გამხდარიყო, თუმცა, საჯარო რეესტრში მაესტროს წილების ცვლილების შესახებ ინფორმაცია ჯერჯერობით არ ასახულა.
შეგახსენებთ, რომ ამ განცხადებამდე, „ჯორჯიან მედია პროდაქშენ გრუპმა“ ბერა ივანიშვილისგან GDS-ის (შპს ჯი-დი-ეს თი-ვი) 100% იყიდა. გარიგება რეესტრში მიმდინარე წლის 28 იანვარს აისახა.
„ჯორჯიან მედია პროდაქშენ გრუპის“ მფლობელი ინა გუდავაძეა.