საქართველოში აშშ-ს ელჩი იან კელი დღეს მედიის წარმომადგენლებსა და აქტივისტებს შეხვდა. შეხვედრაზე დემოკრატიულ საზოგადოებაში მედია პლურალიზმის მნიშვნელობაზე ისაუბრეს.
"როგორც ელჩმა მანამდეც აღნიშნა: „იმისათვის, რომ ნებისმიერი დემოკრატია იყოს წარმატებული, მნიშვნელოვანია ძლიერი და ანგარიშვალდებული მთავრობა. მედია პლურალიზმი არანაკლებ მნიშვნელოვანია. როგორც ამერიკის კონსტიტუციის ავტორებმა გვირჩიეს შორეულ წარსულში, მთავრობის პირველი მიზანია, დაიცვას ჩვენი თავისუფლება, რომელიც დამოკიდებულია თავისუფალ, ხელშეუხებელ და პლურალისტულ მედიაზე.“- ნათქვამია განცხადებაში რომელსაც აშშ-ს საელჩო ავრცელებს.