შინაგან საქმეთა სამინისტროს თანამშრომლებმა "გირჩის" ოფისი ზურაბ ჯაფარიძესთან ერთად დატოვეს. ზურა ჯაფარიძის თქმით, შინაგან საქმეთა სამინისტრომ სისხლის სამართლის საქმე აღძრა და აღნიშნულ საქმეზე ჩვენების მისაცემად მას პოლიციის განყოფილებაში გაყოლა სთხოვეს. სავარაუდოდ ზურა ჯაფარიძეს მოწმის სახით დაკითხავენ.
დღეს "გირჩის" ოფისში საგანგებო ბრიფინგზე, ზურა ჯაფარიძემ განაცხადა, რომ 5 გრამი "ბიო" დაუბრკოლებლად იყიდეს. ბრიფინგზე ჯაფარიძემ შინაგან საქმეთა სამინისტროში დარეკა და ამის შესახებ აცნობა. მან ასევე ჟურნალისტებს აჩვენა ყიდვის პროცესის ვიდეოჩანაწერი:
"ეს იყო ექსპერტიმენტი, რომელიც აჩენებს დაახლოებით 1 საათში როგორი მარტივია "ბიოს" ყიდვა. ამ 5 გრამში ჩვენ დაახლოებით 900 ლარი გადავიხადეთ. ეს არის ნარკოტიკი, რომელიც ცუდად მოქმედებს ადამიანის ჯანმრთელობაზე, იწვევს დამოკიდებულებას".
