Search
"ლიბერალი" მისამართი: თბილისი, რუსთაველის 50 ტელეფონი: +995 32 2470246 ელ. ფოსტა: [email protected] Facebook: https://www.facebook.com/liberalimagazine
გაგზავნა
გაგზავნა

მარიამ ჯაში: უნივერსიტეტის დონეზე შენარჩუნდება ერთი წამყვანი სტუდენტური ორგანიზაცია

07 მარტი, 2017 14:48

დღეს, პარლამენტში „უმაღლესი განათლების შესახებ“ კანონში შესატანი ცვლილებათა კანონპროექტი დარეგისტრირდა.

როგორც განათლების კომიტეტის თავმჯდომარემ, მარიამ ჯაშმა „ლიბერალს“ განუმარტა კანონპროექტი სტუდენტური თვითმმართველობის გაუქმებას არ ითვალისწინებს. უნივერსიტეტის დონეზე შენარჩუნდება ერთი წამყვანი სტუდენტური ორგანიზაცია, თუმცა მოხდება მისი მეტად დივერსიფიცირება. „უნივერსიტეტის დონეზე სტუდენტებს მიეცემათ უფლება აირჩიონ რა სახის, რა სტრუქტურის, რა უფლებამოვალეობის უნდა იყოს სტუდენტური ორგანიზაცია, ეს იქნება სტუდენტური თვითმმართველობის, სტუდენტური ასამბლეისა თუ სტუდენტური კლუბის სახით , რაც სხვადასახვა ქვეყნის მაგალითზე ჩვენ შევისწავლეთ ბოლო 3 თვის განმავლობაში“.

კანონპროექტის თანახმად, ცვლილება ეხება სტუდენტების საფაკულტეტო საბჭოებში არჩევის წესს და გულისხმობს, აღნიშნულ საბჭოებში სტუდენტების პირდაპირი წესით არჩევას, როგორც ეს ხდებოდა სენატის (წარმომადგენლობითი საბჭოს) არჩევის შემთხვევაში. 

კანონპროექტის თანახმად, უნივერსიტეტის ყველა საფეხურის სტუდენტს (ბაკალავრიატი, მაგისტრატურა, დოქტორანტურა) ენიჭება უფლება არჩეული იყვნენ, როგორც საფაკულტეტო საბჭოში, ასევე სენატში.

 გარდა ამისა, კანონპროექტის თანახმად, სტუდენტებს თანაბარი წვდომის უფლება უნდა ჰქონდეთ უნივერსიტეტის ფინანსებზე, სტუდენტური ინდივიდუალური ან ერთობლივი ინივიატივების მხარდასაჭერად.

მარიამ ჯაშის თქმით, იმედი აქვს, რომ „აუდიტორია 115“ საპასუხო ნაბიჯს გადადგამს და უნივერსიტეტის მეექვსე კორპუსის პიკეტირებას შეტყვეტს.

სტუდენტური მოძრაობა „აუდიტორია 115-მა“ პროტესტის ნიშნად უნივერსიტეტის მეექვსე კორპუსი 2016 წლის 23 ნოემბერს დაიკავა. მოძრაობის წევრები აცხადებდნენ, რომ უნივერსიტეტის კორპუსს იქამდე არ დატოვებდნენ, სანამ „უმაღლესი განათლების შესახებ“ კანონში შესატან ცვლილებათა პროექტი პარლამენტში არ დარეგისტრირდებოდა. 

 სტუდენტური ცხოვრება რეფორმის მოლოდინში

კომენტარები

ამავე რუბრიკაში

23 ოქტომბერი
23 ოქტომბერი

NDI: ცალკეული ინციდენტების მიუხედავად, მ ...

NDI-ის დამკვირვებლების შეფასებით, არჩევნების დღემ, ძირითადად, ინციდენტების გარეშე ჩაიარა. საქართველოს მოქალაქეებმა, ...
23 ოქტომბერი
23 ოქტომბერი

ვარკეთილში, ერთ-ერთ კაფეში სპეცოპერაცია ...

ვარკეთილში, კაფე „თეისთში“ სპეცოპერაცია მიმდინარეობს,- ეს ინფორმაცია „ლიბერალს“ შინაგან საქ ...
23 ოქტომბერი
23 ოქტომბერი

„ვიქნები იქ, სადაც დიდ დისკომფორტს შევუქ ...

„ერთიანი ნაციონალური მოძრაობის" პოლიტსაბჭოს თავმჯდომარემ, ჟურნალისტებთან საუბრისას არ დააკონკრეტა, სად გააგრძ ...
^