Search
"ლიბერალი" მისამართი: თბილისი, რუსთაველის 50 ტელეფონი: +995 32 2470246 ელ. ფოსტა: [email protected] Facebook: https://www.facebook.com/liberalimagazine
გაგზავნა
გაგზავნა

მთავრობა საქართველოში მზის 9 ელექტროსადგურის ასაშენებლად კვლევებს ატარებს

10 მარტი, 2017 18:27

საქართველოში მზის ელექტროსადგურების მშენებლობის მიზნით, საქართველოს მთავრობამ „კავკასიის მზის კომპანიასთან" ურთიერთგაგების მემორანდუმი გააფორმა. 

ენერგეტიკის სამინისტროს მიერ „ლიბერალისთვის" მიწოდებული ინფორმაციით, მემორანდუმი მზის 8 ელექტროსადგურების მშენებლობის მიზნით ტექნიკურ-ეკონომიკურ კვლევას ითვალისწინებს. გარდა ამისა, საქართველოს ენერგეტიკის განვითარების ფონდი კახეთის რეგიონში 5 მგვტ-იანი მზის ელექტროსადგურის პოტენციალს სწავლობს.

შესაბამისი კვლევები იგეგმება შემდგომი ელექტროსადგურების მშენებლობის მიზნით: „ქსნის მზის ელექტროსადგურის“, „მარნეულის მზის ელექტროსადგური“; კასპის მზის ელექტროსადგური; „გლდანის მზის ელექტროსადგური“; „ახალციხის მზის ელექტროსადგური 1“; „ახალციხის მზის ელექტროსადგური 2“; „გარდაბნის მზის ელექტროსადგური 1“; „გარდაბნის მზის ელექტროსადგური 2“.

„სს „კავკასიის მზის კომპანიას“  მიეცემა უფლება, 18 თვის განმავლობაში შესაბამის ტერიტორიებზე ჩაატაროს სრულყოფილი ტექნიკურ-ეკონომიკური კვლევები და წარუდგინოს ისინი საქართველოს მთავრობას, რის საფუძველზეც მიიღებენ გადაწყვეტილებას მშენებლობის თაობაზე. მშენებლობის შემთხვევაში თითოეული სადგურის სავარაუდო დადგმული სიმძლავრე 50 მგვტ იქნება" - ამბობენ ენერგეტიკის სამინისტროში. 

კვლევები სოფელ ქსნის, მარნეული-რუსთავის, ახალციხე-ბორჯომის მიმდებარე ტერიტორიებზე და კასპისა და თბილისის მუნიციპალიტეტებში ჩატარდება.

კომენტარები

ამავე რუბრიკაში

25 სექტემბერი
25 სექტემბერი

საია: „თბილსერვის ჯგუფს" 3 მლნ-მდე ღირებ ...

„საქართველოს ახალგაზრდა იურისტთა ასოციაციის" ინფორმაციით, „თბილსერვის ჯგუფი" 3 მლნ ლარამდე ღირებულ ...
25 სექტემბერი
25 სექტემბერი

რატომ გაათავისუფლეს ილიას სახელმწიფო უნი ...

ილიას სახელმწიფო უნივერსიტეტის სტუდენტები ბიზნესის სკოლიდან 25 ლექტორის გათავისუფლებას აპროტესტებენ. ისინი მიიჩნევენ რომ ...
25 სექტემბერი
25 სექტემბერი

სარფის საბაჟოზე აჭარის ტელევიზიის ჟურნალ ...

აჭარის ტელევიზიის ჟურნალისტის, ჯენი კვანტალიანის მიმართ სარფის საბაჟო გამშვებ პუნქტზე განხორციელებული სავარაუდო ძალადობი ...
^