„სკოლაში ბულინგის წინააღმდეგ ბრძოლის ძირითადი მექანიზმი არის ისევ განათლება და საზოგადოებრივი ცნობიერების ამაღლება“,- ამის შესახებ ალექსანდრე ჯეჯელავამ მთავრობის სხდომის დასრულების შემდგომ განუცხადა ჟურნალისტებს.
„ბულინგი მხოლოდ სკოლის პრობლემა არ არის, ეს არის სკოლის, ეზოს პრობლემა, ნებისმიერი სოციუმის პრობლემა. ბულინგი მხოლოდ სკოლის მოსწავლეებს არ ეხებათ. საზოგადოების ნებისმიერ ჯგუფში არსებობს. მთავარი, რაც ჩვენ უნდა გავაკეთოთ, საზოგადოების ცნობიერების ამაღლებაა. მანდატურის სამსახურის ერთ-ერთი მთავარი ამოცანა ბულინგთან ბრძოლაა. ასევე გვაქვს რეფერირების ინსტრუმენტი, რომელიც ბულინგის გამოვლენისა და მისი აღკვეთის შესახებ შესაბამის ორგანოებთან ინფორმაციის მიწოდების ინსტრუმენტია. მხოლოდ ტექნიკური რეაგირებით პრობლემას ვერ მოვაგვარებთ“,- განაცხადა ალექსანდრე ჯეჯელავამ.
