"ბი-ბი-სის" ინფორმაციით, რუსეთის პრეზიდენტმა, ვლადიმერ პუტინმა ოკუპირებული სამხრეთ ოსეთის ე.წ. შეიარაღებული ძალების ზოგიერთი ქვედანაყოფის რუსეთის არმიის შემადგენლობაში შესვლის შესახებ წინადადება დაამტკიცა.
პრეზიდენტმა თავდაცვის სამინისტროს დაავალა, რომ სამხრეთოსურ მხარესთან მოლაპარაკებები გამართოს და შესაბამის შეთანხმებას მოაწეროს ხელი.
აღნიშნულ საკითხზე შეთანხმება 2015 წლის მარტში ხელმოწერილი თანამშრომლობის შესახებ შეთანხმების ფარგლებში შემუშავდა. პირველი ვერსიით შეთანხმება თავდაცვის სივრცის საერთო ფორმირებას გულისხმობდა.