პარიზში, საერთაშორისო სავალუტო ფონდის ოფისში გაგზავნილი წერილი აფეთქდა, რის შედეგადაც ერთი თანამშრომელი სახისა და ხელის არეში დაშავდა.
პარიზის პოლიციის დეპარტამენტის უფროსის თქმით, ასაფეთქებელი მოწყობილობა ხელნაკეთი იყო.
მისი განმარტებით, ბოლო პერიოდში სატელეფონო მუქარის რამდენიმე ფაქტი დაფიქსირდა, თუმცა იგი არ არის დარწმუნებული, რომ ისინი საერთაშორისო სავალუტო ფონდში მომხდარ აფეთქებას პირდაპირ უკავშირდება.
Reuters-ის ინფორმაციით, პოლიციაში აცხადებენ, რომ ქალმა, რომელმაც წერილი გახსნა, ხელისა და სახის არეში მიიღო დამწვრობა, თუმცა მის სიცოცხლეს საფრთხე არ ემუქრება.
