ვანში, სოფელ ზეინდარში შვილმა მამა თოფით მოკლა. აღნიშნულ ინფორმაციას „ინტერპრესნიუსი“ ავრცელებს. არსებული ინფორმაციით, შემთხვევა გუშინ საღამოს მოხდა. ვანის გამგებლის წარმომადგენელი სოფელ ზეინდარში ბადრი ადეიშვილი აცხადებს, რომ მამა-შვილს ოჯახში კონფლიქტი ხშირად ჰქონდა.
„როგორც ვიცი, მამა და შვილი ხშირად ჩხუბობდნენ. უსიამოვნება ჰქონდათ ოჯახში. როგორც შვილმა გამომძიებელს უთხრა, მამა მისკენ წალდით თუ ნაჯახით წავიდა, რა დროსაც მამას თოფი ესროლა," - განაცხადა ბადრი ადეიშვილმა.
