ტელეარხი BFM TV - ის ინფორმაციით,  პარიზში,  “ორლის”აეროპორტში, ადგილობრივი დროით 8:30 საათზე უცნობი პირი სამხედრო პატრულს თავს დაესხა. მამაკაცი შეეცადა ერთ-ერთი სამხედროსთვის იარაღი წაერთმია, რომელიც, ოპერაცია Sentinelle-ის ფარგლებში, უსაფრთხოებას უზრუნველყოფდა. სამხედროებმა ცეცხლი გახსნეს და თავდამსხმელის ნეიტრალიზება მოახდინეს. 

BFM TV - ის ინფორმაციით,  პარიზში „ორლის“ ეს თავდასხმა შესაძლოა კავშირში იყოს პარიზის ჩრდილოეთ ნაწილში, ადგილობრივი დროით 7:00 საათზე მომხდარ თავდასხმასთან. კერძოდ, პოლიციის თანამშრომელმა საბუთების შემოწმების მიზნით მანქანა გააჩერა. მძღოლმა, პოლიციის თანამშრომელს საბუთები წარუდგინა, რის შემდეგაც მან პოლიციელს ცეცხლი გაუხსნა. პოლიციისთვის ცეცხლის გახსნის შემდეგ მამაკაცმა სხვა მანქანა გაიტაცა, რომელიც მოგვიანებით აეროპორტის პარკირების სივრცეში აღმოაჩინეს. ავტომობილში პოლიციელებმა სისხლიანი პერანგი და დოკუმენტები აღმოაჩინეს. 
ამჟამად პარიზის აეროპორტიდან 3000-მდე ადამიანია გაყვანილი.