საზოგადოებრივ მაუწყებელში მუშაობას GDS-ის კიდევ ერთი ყოფილი თანამშრომელი, ჟურნალისტი მიშა ფეიქრიშვილი გააგრძელებს. ხოლო ჯერ კიდევ მიმდინარეობს მოლაპარაკებები "2030-ის" ყოფილ წამყვან მაკა ცინცაძესთან. ამის შესახებ ინფორმაცია "ლიბერალს" საზოგადოებრივი მაუწყებლის საინფორმაციო სამსახურის უფროსმა გიორგი გვიმრაძემ მიაწოდა.
"მე ველაპარაკები იმას ვინც მაინტერესებს. GDS-ის ჟურნალისტებს იმიტომ ველაპარაკები, რომ ვხედავ იმ პოტენციალს რომლის განვითარებაც შესაძლებელია და რომელიც საზოგადოებრივ მაუწყებელს შეუძლია ძალიან კარგად გამოიყენოს. მათ შორის არიან ის ადამიანები, ვისთანაც ამ წუთას ვიღაცეები ლაპარაკობენ, რომ წაიყვანონ, მაგრამ სანამ ისინი არავის წაუყვანია მირჩევნია ახლა ველაპარაკო საჩქაროდ რომ სხვამ არ დამასწროს, "- ამბობს გიორგი გვიმრაძე.
როგორც გვიმრაძე ამბობს, საზოგადეობრივ მაუწყებელზე ბევრი რამეა დასალაგებელი, ამიტომ უჭირს ამ ეტაპზე იმის თქმა საბოლოოდ რამდენი ჟურნალისტის დამატება გახდება საჭირო. ის ასევე აღნიშანავს, რომ სხვა მედიასაშუალებების ჟურნალისტებთანაც მიმდინარეობს მოლაპარაკებები.
შეგახსენებთ, რომ რამდენიმე დღის წინ საზოგადოებრივმა მაუწყებელმა GDS-ის ყოფილი 5 თანამშრომელი დაიმატა.
ახლად გაფორმებული თანამშრომლები არიან: GDS-ის საინფორმაციო სამსახურის ყოფილი უფროსი, ეკა შონია. იგი პირველი არხის დაგეგმვის რედაქტორი იქნება. ვებგვერდ 20/30.news.-ის ყოფილი მთავარი რედაქტორი, ირინადეკანოიძე, პირველი არხის ვებრედაქტორად იმუშავებს.
გადაცემა 20/30-ის ყოფილი პროდიუსერები - თამუნა კენკიშვილი, ნათია თოიძე დამაია ჭუჭულაშვილი - დღის ახალი ამბების დაგეგმვის რედაქტორების მოვალეობას შეასრულებენ.
„ტელევიზიაში საშტატო განრიგი არ არსებობს. ჩვენ დაგვხდა სიტუაცია, როდესაც ყველა თანამდებობა არსებობდა ხელშეკრულებით, ზოგი უვადო, ზოგი ვადიანი. ერთადერთი საშტატო ერთეული გენერალური დირექტორისაა, დანარჩენი ყველა ხელშეკრულებით ვმუშაობთ.
თუ, ვთქვათ, გვყავს 20 ოპერატორი და გვჭირდება 5, სწორედ ამისთვისაა საჭირო შტატების არსებობა - რათა მოითხოვო 5 საშტატო ერთეული, ჩაატარო ატესტაცია და ის 5 თანამშრომელი დატოვო, რომელიც შენს მოთხოვნებს უფრო მეტად შეესაბამება. ამიტომ გარკვეულ თაბნამდებობებზე შეიქმნება საშტატო ერთეულები და გამოცხადდება კონკურსები. მაგრამ ნიუსრუმს ეს საშტატო ერთეულები არ ეხება, აქ ადამიანები იმუშავებენ ხელშეკრულებით, მათ შორის გამოსაცდელი ვადით“, - ამბობდა "ლიბერალთან" საუბარში საზოგადეობრივი მაუწყებლის გენერალური დირექტორის მრჩეველი ია ანთაძე.
