დიდ დიღომში „გუდვილთან“ და მუხათგვერდის სასაფალაოსთან, ავტომობილებს ძლიერი ქარის გამო ხე დაეცა. როგორც „ლიბერალს“ საგანგებო სიტუაციების მართვის სააგენტოში განუცხადეს, დაშავებულები არ არიან. სააგენტოს განცხადებით, დიდი დიღომი და გლდანი ამ ეტაპზე პრობლემური უბნებია. მათივე ინფორმაციით, გორში ძლიერმა ქარმა რამდენიმე შენობა დააზიანა.
„არის ერთნაირი ტიპის გამოძახებები - ხეების ტოტების მოგლეჯა და ასე შემდეგ. დიდ დიღომში მანქანაზე დაეცა ხე და საქარე მინა დააზიანა, ასევე მუხათგვერდის სასაფალაოსთან, ძირითადად იდენტური ტიპის გამოძახებები იყო, დაშავებული არავინ არ არის“, - აცხადებენ საგანგებო სიტუაციების მართვის სააგენტოში
რუსთავში კი ქარმა სპორტის ქუჩის #2-თან ორი ხე მოგლიჯა. ხეების წაქცევის შედეგად, არავინ დაშავებულა.