საკოორდინაციო საბჭო, რომელიც ცხრა პოლიტიკური პარტიისგან შედგება, რუსეთის მხრიდან საქართველოს ტერიტორიების ოკუპაციის შესახებ მიმართვის ტექსტს ამზადებს. საბჭოს წევრები განცხადებას საერთაშორისო საზოგადოებას გაუგზავნიან. განცხადებაში ნათქვამია, რომ რუსეთი განაგრძობს საქართველოს ანექსიას და მოსკოვისთვის დამატებით სანქციებს ითხოვენ.
„ე.წ. სამხრეთ ოსეთის შეიარაღებული ძალები მიიერთა რუსეთის ფედერაციის ჯარმა. ეს არის არაფერი სხვა თუ არა ანექსიისკენ გადადგმული მორიგი ნაბიჯი და ეს ნაბიჯი ჩვენმა ხელისუფლებამ აბსოლუტურად უყურადღებოდ დატოვა. ოპოზიცია ვაკეთებთ ქვეყნის საქმეს იმისთვის, რომ მსოფლიომ გაიგოს რეალურად რა ხდება ჩვენს თავს. მაშინ როდესაც თავისუფალი სამყარო ფხიზლდება, საჭიროა მათ გაიაზრონ, რომ უკრაინის მსგავსი პრობლემა არსებობს საქართველოშიც,“- განაცხადა საკოორდინაციო საბჭოს წევრმა ნიკა რურუამ.
