ლონდონში მომხდარ ტერაქტზე პასუხისმგებლობა „ისლამურმა სახელმწიფომ“ აიღო. ამის შესახებ ინფორმაცია სააგენტომ, Amaq-მა გაავრცელა, სადაც ნათქვამია, რომ თავდასხმა ინგლისის პარლამენტის შენობასთან ISIS-ის მებრძოლმა მოაწყო.
გუშინ მომხდარი ტერორისტული თავდასხმის შედეგად 4 ადამიანი დაიღუპა. მათ შორის არის თავდამსხმელიც. დაშავებულია 40 ადამიანი.
ბრიტანეთის პრემიერ-მინისტრმა, ტერეზა მეიმ პარლამენტში სიტყვით გამოსვლისას განაცხადა, რომ ტერორისტი ბრიტანეთის მოქალაქეა და თავდამსხმელის შესახებ ცნობილი იყო პოლიციისა და სპეცსამსახურებისთვის.
