„რუსთავი 2-ის“ კოლექტივი ძმები ყარამანაშვილების წინადადებას ტელეკომპანიის 40%-ის კოლექტივისთვის გადაცემის შესახებ უარით პასუხობს. ამის შესახებ ტელეკომპანიის დირექტორმა სპეციალურ ბრიფინგზე განაცხადა. ნიკა გვარამიას თქმით, ამ ეტაპზე შემოთავაზება ფიქტიურია, რადგან ყადაღის გამო წილების გადაფორმება ვერ განხორციელდება. გვარამიამ ბრიფინგზე უარის სხვა მიზეზებზეც ისაუბრა. მანვე ბრიფინგზე საპასუხო შეთავაზების შესახებ გააკეთა განცხადება. გვარამიას თქმით, კოლექტივისთვის მისაღებია თუკი მფლობელები მათ კომპანიის 51%-იან წილს გადასცემს.
