ამერიკის მოდის დიზაინერთა საბჭოს დაჯილდოების ნომინანტები და საპატიო ჯილდოების მფლობელთა ვინაობა უკვე ცნობილია. Balenciaga-ს კრეატიული დირექტორი და Vetements-ის დამფუძნებელი დემნა გვასალია საპატიო საერთაშორისო ჯილდოს მიიღებს.

CFDA-ის  დაჯილდოება ნიუ-იორკში 5 ივნისს გაიმართება. ჯილდოები შემდეგ ნომინაციებში გაიცემა: წლის მამაკაცის სამოსის საუკეთესო დიზაინერი, ქალის სამოსის საუკეთესო დიზაინერი, ასევე წლის საუკეთესო აქსესუარების დიზაინერი, დაჯილდოების ფარგლებში ასევე გაიცემა Swarovski-ის სპეციალური ჯილდო. ყველაზე მეტი, 2 ნომინაცია Calvin klein-ის კრეატიულმა დირექტორმა, რაფ საიმონსმა მიიღო.