საქართველოს პირველი პრეზიდენტის ზვიად გამსახურდიას შვილები კონსტანტინე და ცოტნე გამსახურდია პარლამენტის წინ აქციას აანონსებენ. ამის შესახებ მათ “პრაიმტაიმის” პრესკლუბში განაცხადეს.

კონსტანტინე გამსახურდიას თქმით, 31 მარტს, საქართველოს პარლამენტის წინ 4 საათზე აქცია პირველი პრეზიდენტის საქმის გამოძიების გააქტიურებისა და ქმედითი ნაბიჯების გადადგმის  მოთხოვნით გაიმართება.

,,ერთად შევუწყოთ ხელი სიმართლის დადგენას, ვაიძულოთ ხელისუფლება გამოიძიოს ზვიად გამსახურდიას გარდაცვალების უფრო სწორად მკვლელობის საქმე. 24 წელია ეს საქმე ცაშია გამოკიდებული”, – განაცხადა კონსტანტინე გამსახურდიამ. 

მისივე თქმით,მას შემდეგ, რაც საქმე განზრახ მკვლელობის მუხლით გადაკვალიფიცირდა, საქმე წინ არ წასულა.