დღეს გამართულ პრესკონფერენციაზე საგარეო საქმეთა მინისტრმა, მიხეილ ჯანელიძემ განაცხადა, რომ პირი, რომელიც ევროკავშირში, შენგენის ზონაში ყოფნის წესს დაარღვევს, დეპორტაციის გარდა, 3000 ევროთი დაჯარიმდება, ამასთანავე, დამრღვევ პირს აეკრძალება 5 წლის ვადით შენგენის ზონაში დაბრუნება.
„ჯარიმა ეკისრებათ იმ შემთხვევაში, თუ დაირღვევა ვადები, თუ გამოიყენებენ უვიზო რეჟიმს იმისთვის, რისთვისაც დანიშნული არ არის. ამიტომ ძალიან მნიშვნელოვანია, თითოეული მოქალაქე გაუფრთხილდეს ვადებს. თუ დაირღვევა ვადები და მოხდება დეპორტაცია, ამ შემთხვევაში პირს აეკრძალება 5 წლის ვადით შენგენის ზონაში დაბრუნება. ეს საკმაოდ დიდი სასჯელია, როგორც ფინანსური, ასევე იმ თვალსაზრისით, რომ ვერ დაბრუნდები ევროკავშირში და შენგენის ზონაში. აქედან გამომდინარე, მიზანშეწონილია, ყველამ კარგად გაითავისოს ეს რისკი და ისარგებლოს იმ ვადით, რაც დაშვებულია მოკლევადიანი ვიზიტისთვის”, - განაცხადა ჯანელიძემ.