სოციოლოგიის პროფესორი, სოციალური კვლევისა და ანალიზის ინსტიტუტის ხელმძღვანელი იაგო კაჭკაჭიშვილი „საზოგადოებრივი მაუწყებლის“ ახალი გადაცემების შესარჩევ კონკურსში კომისიის ერთ-ერთი წევრი იქნება. ინფორმაცია „ლიბერალს“ იაგო კაჭკაჭიშვილმა დაუდასტურა.
ჯერჯერობით ცნობილი არ არის, ვინ იქნებიან კომისიის სხვა წევრები. როგორც საზოგადოებრივი მაუწყებლის მედიისა და კომუნიკაციის ხელმძღვანელმა, თიკო ბერძენიშვილმა „ლიბერალს“ უთხრა, კონკურსთან დაკავშირებით ყველა ინფორმაცია პარასკევს გახდება ცნობილი, მანამდე კი კონკურსის კომისიის წევრების შესახებ ინფორმაცია საჯარო არ არის, ვინაიდან ზოგიერთ მათგანთან ჯერ კიდევ მიმდინარეობს მოლაპარაკებები.
მისივე თქმით, პარასკევსვე გახდება ცნობილი, თუ რა მიმართულებებზე გამოაცხადებს მაუწყებელი კონკურსს და სულ რამდენი გადაცემა შეირჩევა.