კონკურსი „მის ტრანსგენდერი 2017“ აღარ გაიმართება. როგორც ორგანიზატორმა ნატა მაჭარაშვილმა „ლიბერალს“ განუცხადა, კონკურსის ჩაშლის მიზეზი მუქარა და მოსალოდნელი ძალადობის საფრთხე იყო.
„როგორც გავიგეთ, აპირებდნენ მოსვლას და შოუს ჩაშლას. მირჩევნია, არ გავაკეთო, თავი რომ დავიზღვიო. ყველას მისამართით იყო მუქარა, ყველა საფრთხის ქვეშ იყო და ამიტომაც გადავწყვიტეთ, არ ჩატარებულიყო ეს კონკურსი“, - ამბობს ნატა მაჭარაშვილი
კონკურსი 31 მარტს, ტრანსგენდერთა ხილვადობის საერთაშორისო დღეს უნდა გამართულიყო. „მის ტრანსგენდერი 2017-ის" ორგანიზატორები ტრანსგენდერი ქალები იყვნენ.
