საქართველოს სახალხო დამცველმა შპს „ზაზა ფაჩულიას კალათბურთის აკადემიაში“ დისკრიმინაციის ფაქტი დაადგინა და 22 მარტს აკადემიას განსხვავებული მოსაზრების გამო პირდაპირი დისკრიმინაციის დადგენის შესახებ რეკომენდაციით მიმართა. ომბუდსმენის ცნობით, განმცხადებელს კალათბურთის აკადემიაში დასაქმებაზე უარი უთხრეს, რადგან მან თავის ფეისბუკის გვერდზე კრიტიკული პოსტი დაწერა აკადემიის დამფუძნებლისა და დირექტორის, ზაზა ფაჩულიას მეგობრის, ლევან კობიაშვილის შესახებ
„სახალხო დამცველმა მიიჩნია, რომ განმცხადებელს კალათბურთის აკადემიაში დასაქმებაზე უარი ეთქვა, ვინაიდან მან თავის ფეისბუქის გვერდზე კრიტიკული პოსტი დაწერა აკადემიის დამფუძნებლის და დირექტორის ზაზა ფაჩულიას მეგობრის, ლევან კობიაშვილის შესახებ.
რეკომენდაციით სახალხო დამცველმა შპს „ზაზა ფაჩულიას კალათბურთის აკადემიას“ მოუწოდა, მომავალში თავი შეიკავოს შრომით და წინასახელშეკრულებო ურთიერთობებში დისკრიმინაციული მოპყრობისგან და საქმიანობა წარმართოს თანასწორობის პრინციპის დაცვით“, - წერია ომბუდსმენის განცხადებაში