სირიაში ქიმიური იარაღის გამოყენების შედეგად 58 ადამიანი დაიღუპა. მათ შორის 11 ბავშვია. ქიმიური იარაღით თავდასხმა იდლიბის ჩრდილოეთ პროვინციაში მოხდა და  ამაში სირიის მთავრობას ადანაშაულებენ. როგორც Reuters წერს, აღნიშნულის შესახებ ინფორმაციას პროვინციაში მყოფი მონიტორინგის ჯგუფები და მედიცინის მუშაკები და მაშველებიც ადასტურებენ. 

სირიის მთავრობის წარმომადგენლები და სამხედრო პირები კატეგორიულად უარყოფენ სირიის არმიის მიერ ქიმიური იარაღის გამოყენებას. 

სირიის ადამიანის უფლებათა ობსერვატორიის ინფორმაციით, თავდასხმა სირიის სამხედრო თვითმფრინავებიდან განხორციელდა, რის შედეგადაც ადამიანებს ქიმიური იარაღის მოწამვლის სიმპტომები აღენიშნებოდათ. მათი თქმით, დაღუპული ბავშვების ასაკი, ძირითადად, 8 წლის ქვემოთაა. 

იდლიბის ჯანდაცვის ორგანოს წარმომადგენლის თქმით, მოწამლულია 300-ზე მეტი ადამიანი, რის გამოც პროვინციის საავადმყოფოები გადატვირთულია.