ფონდ „ღია საზოგადოება - საქართველოს“ მხარდაჭერით, არასამთავრობო სექტორის მიერ მომზადებულ ანგარიშში, რომელიც 2014-2016 წლის ევროკავშირ-საქართველოს ასოცირების დღის წესრიგის შესრულებას ეხება, საუბარია სოფლის მეურნეობის საკითზეც, ამ დარგში შესრულებულ თუ შეუსრულებელ ვალდებულებებზე.
ანგარიშის ამ ნაწილში აღნიშნულია, რომ სურსათის უვნებლობის მაღალი სტანდარტის ხელშეწყობის მიზნით, 2015 წელს მიიღეს რამდენიმე სამართლებრივი აქტი. რომლებიც ეხება ცხოველთა დაა ვადებების კონტროლს, ქიმიური საშუალებების განთავსებას ბაზარზე და სხვა საკითხებს.
ანგარიშში ვკითხულობთ, რომ 2016 წელს მიიღეს სამი სამართლებრივი აქტი სურსათის უვნებლობის სფეროში. თუმცა უმთავრეს გამოწვევად რჩება ამ სამართლებლივი აქტების განხორციელება. ასევე ნათქვამია, რომ ფერმერებს, სოფლის მეურნეობაში დასაქმებულებსა და მწარმოებლებს იშვითად აწვდიან ინფორმაციას სურსათის უვნებლობის მოთხოვნების შესახებ, რის გამოც ეს მოთხოვნები ხშირად უარყოფილია
„მართალია, სურსათის უვნებლობის სტრატეგია 2015 წლის ეროვნული სამოქმედო გეგმის კომპონენტს წარმოადგენდა, მაგრამ განხორციელება გადაიდო საქართველოს პარლამენტის მიერ რატიფიცირებამდე და იგი 2016 წლის სამოქმედო გეგმაში საერთოდ არ იყო გათვალისწინე ბული - ნათქვამია ანგარიშში.
სოფლის მეურნეობით დაკავებულთათვის ფინანსური რესურსების ხელმი საწვდომობის უზრუნველსაყოფად, 2015 წელს, შეღავათიანი სასოფლო-სა მეურნეო საკრედიტო სქემების მეშვეობით, გაიცა 143,737,982 ლარის ღირე ბულების 3,482 სესხი და 37,101,511 აშშ დოლარის ღირებულების 436 სესხი, რაც 2016 წელს შემცირდა. თუმცა, საქართველოს ფერმერთა მე-2 კონგრესის თანახმად, ამ სესხებთან წვრილ ფერმერებს შეზღუდული წვდომა აქვთ.
გაუმჯობესდა ლაბორატორიები, თუმცა როგორც ანგარიშში ვკითხულობთ, საქართველოს ფერმერთა მე-2 კონგრესმა ლაბორატორიული კვლევების ხელმისაწვდომობა და ხარისხი გამოყო, როგორც ფერმერების მიერ დასახელებული ერთ-ერთი მნიშვნელოვანი პრობლემა.
