საქართველოს მთავრობამ დღეს „ევროკავშირსა და ნატოში საქართველოს გაწევრიანების კომუნიკაციის შესახებ საქართველოს მთავრობის სტრატეგია 2017-2020“ დაამტკიცა.
დოკუმენტში აღნიშნულია, რომ „სტრატეგია წარმოადგენს ოთხ წელზე გათვლილ საჯარო დოკუმენტს, რომელიც ემსახურება ევროკავშირსა და ნატოში გაწევრიანებისადმი საქართველოს მოსახლეობის მაღალი და გაცნობიერებული მხარდაჭერის ხელშეწყობას. ასევე, საქართველოს გაწევრიანების მიმართ ნატოსა და ევროკავშირის წევრი ქვეყნების მხარდაჭერის გაზრდას. სტრატეგია განსაზღვრავს ნატოსა და ევროკავშირში გაწევრიანების საკითხებზე სამთავრობო სტრატეგიული კომუნიკაციის პოლიტიკას როგორც ეროვნულ, ისე საერთაშორისო დონეზე".
ევროპულ და ევროატლანტიკურ სტრუქტურებში სახელმწიფო მინისტრმა, ვიქტორ დოლიძემ აღნიშნა, რომ ეს ძალიან მნიშნელოვანი, მრავლისმომცველი დოკუმენტია, რომელიც სამოქალაქო სექტორთან ერთად, ექსპერტებთან აქტიური თანამშრომლობით მომზადდა.
„იგი ითვალისწინებს როგორც ქვეყნის შიგნით, ასევე ქვეყნის გარეთ ცნობიერების ამაღლების კუთხით ნაბიჯებს. ჩვენს პარტნიორებთან მაქსიმალური მხარდაჭერის მოპოვებას ინტეგრაციასთან დაკავშირებით. ეს არის კონცეპტუალური ჩარჩო-დოკუმენტი, რომელზეც შემდგომ უკვე აიგება სამოქმედო გეგმები მასში ჩართული უწყებების მიერ, რაც მნიშვნელოვანწილად შეუწყობს ხელს ჩვენს თანამოქალაქეებში, ისევე როგორც ანტიპროპაგანდისტული მიზნების მისაღწევად ძალიან სწორი, ჩამოყალიბებული სამთავრობო სტრატეგიის თვალსაზრისით, ცნობიერების ამაღლებას" - თქვა მინისტრმა.
იხილეთ დოკუმენტი სრულად: