შინაგან საქმეთა სამინისტროში ამბობენ, რომ სამართალდამცავები ოთო კახიძეს გამოკითხავენ და შემდგომ შესაბამისად იმოქმედებენ. დღეს პარლამენტში მომხდარი ინციდენტის შედეგად „ევროპული საქართველოს“ ერთ-ერთმა ლიდერმა, ოთო კახიძემ თავის არეში დაზიანება მიიღო.
გავრცელებული ინფორმაციით, დეპუტატების ოთახში უმცირესობის წარმომადგენელ გიორგი კანდელაკსა და უმრავლესობის წევრ ვანო ზარდიაშვილს შორის კამათი მოხდა. დაპირისპირებისას ერთ-ერთმა მათგანმა საფერფლე ისროლა, რომელიც კახიძეს მოხვდა. კამათის მიზეზი და დეტალები, ჯერჯერობით, უცნობია.
