ჰააგაში გაეროს საერთაშორისო სასამართლომ უკრაინის სარჩელი რუსეთის წინააღმდეგ ნაწილობრივ დააკმაყოფილა. Tass.ru-ს ინფორმაციით, სასამართლომ დაადგინა, რომ რუსეთმა „რასობრივი დისკრიმინაციის ლიკვიდაციის შესახებ კონვენციის“ თანახმად, თავი უნდა შეიკავოს ყირიმელი თათრების შევიწროებისგან და უზრუნველყოს ყირიმში უკრაინულ ენაზე განათლების მიღება.
უკრაინამ საერთაშორისო სასამართლოს რუსეთის წინააღმდეგ სარჩელი 16 იანვარს წარუდგინა. უკრაინა რუსეთს „ტერორიზმის დაფინანსების აღკვეთისა“ და „რასობრივი დისკრიმინაციის ყველა ფორმის ლიკვიდაციის“ შესახებ კონვენციების დარღვევაში ადანაშაულებდა.
