Search
"ლიბერალი" მისამართი: თბილისი, რუსთაველის 50 ტელეფონი: +995 32 2470246 ელ. ფოსტა: LIBERALIMAGAZINE@GMAIL.COM Facebook: https://www.facebook.com/liberalimagazine
გაგზავნა
გაგზავნა

პრეზიდენტი: ასეთი რეპრესიული ნარკოპოლიტიკა არ უნდა გვქონდეს

20 აპრილი, 2017 17:48

„ასეთი რეპრესიული ნარკოპოლიტიკა არ უნდა გვქონდეს", - ამის შესახებ საქართველოს პრეზიდენტმა გიორგი მარგველაშვილმა ბათუმში, „კონსტიტუცია ყველასია“ შეხვედრის ფარგლებში სტუდენტის მიერ ნარკოპოლიტიკის შესახებ დასმულ კითხვაზე საპასუხოდ განაცხადა.

გიორგი მარგველაშვილი მიიჩნევს, რომ სახელმწიფო თავისი ზრუნვით უნდა ეხმარებოდეს ადამიანებს მავნე ჩვევების დაძლევაში.

„საზოგადოება და სახელმწიფო უნდა იყოს მოწოდებული რაც შეიძლება მეტად ებრძოლოს ნებისმიერ ჯანმრთელობისთვის საშიშ ტენდენციას - იქნება ეს სიგარეტის მოწევა, რასთან მიმართებითაც პოზიტიური ნაბიჯები იდგმება კანონმდებლობის მხრივ, იქნება ალკოჰოლიზმი თუ ნარკომანია. ნებისმიერ ტენდენციასთან, რომელიც ჯანმრთელობას აზარალებს, გარკვეული შეწინააღმდეგების პოლიტიკას უნდა აყალიბებდეს სახელმწიფო, მაგრამ ეს არ უნდა იყოს დასჯის, ციხეში ჩასმის, ამ ადამიანების მიმართ რეპრესიული პოლიტიკის გატარების ფორმით.

როცა ვამბობთ, რომ ადამიანი თავისუფალია, უნდა ვაღიაროთ მისი უფლება, იყოს თავისუფალი, დაუშვას შეცდომები, მაგრამ ამავე დროს როგორც სახელმწიფო ადამიანს უნდა დავეხმაროთ ამ შეცდომების თუ მავნე ჩვევების დაძლევაში, მაგრამ დავეხმაროთ და არა დავაძალოთ. თავისუფლება ნიშნავს იმას, რომ შენ შეცდომის დაშვების უფლება გაქვს. სახელმწიფოს ზრუნვა კი ნიშნავს იმას, რომ შეცდომების გამოსწორებაში საზოგადოება და სახელმწიფო გეხმარება. იქნება ეს სიგარეტისთვის თუ ალკოჰოლითვის თავის დანებება, ნარკოტიკის გადაგდება. ამაში უნდა ვეხმარებოდეთ და არა - ვსჯიდეთ“, - განაცხადა გიორგი მარგველაშვილმა. 

რამდენი პატიმარი შეიწყალა პრეზიდენტმა ნარკოდანაშაულისთვის

კომენტარები

ამავე რუბრიკაში

24 აპრილი
24 აპრილი

ხუნდაძე: საზოგადოებას მოვუწოდებ - დათესო ...

„საზოგადოებას მოვუწოდებ, რომ დათესონ სიკეთე, ვიდრე მარიხუანა“, - ამის შესახებ საპარლამენტო უმრავლესობისა და ...
24 აპრილი
24 აპრილი

სუს-მა დიდი ოდენობით თაღლითობის მცდელობი ...

სახელმწიფო უსაფრთხოების სამსახურის ანტიკორუფციული სააგენტოს თანამშრომლებმა, წინასწარი შეთანხმებით ჯგუფის მიერ დიდი ოდენო ...
24 აპრილი
24 აპრილი

ბათუმის მოვლენებთან დაკავშირებით მერაბ ღ ...

ბათუმის მოვლენებთან დაკავშირებით სამართალდამცველებმა ორი პირი დააკავეს. ბათუმის საქალაქო სასამართლოს განჩინების საფუძველ ...
^