საქართველოს ეკონომიკისა და მდგრადი განვითარების სამინისტროს საზღვაო ტრანსპორტის სააგენტოს ინფორმაციით, შავ ზღვაში გემის ჩაძირვის შედეგად დაღუპული სამი მეზღვაურს შორის საქართველოს მოქალაქე არ არის. ეს ინფორმაცია მას შემდეგ გახდა ცნობილი, რაც გარდაცვლილთა იდენტიფიკაცია დასრულდა. სამი მეზღვაურიდან ორი მათგანი უკარინის, ხოლო ერთი- რუსეთის მოქალაქეა.
2017 წლის 19 აპრილს, გამთენიისას, შავ ზღვაში პანამის დროშის ქვეშ მცურავი, თურქული კომპანიის საკუთრებაში არსებული სატვირთო გემი Geroi Arsenala (IMO 8727604) ჩაიძირა, რომლის ბორტზეც ეკიპაჟის 12 წევრი იმყოფებოდა. ერთ-ერთი მათგანი საქართველოს მოქალაქეა. სატვირთო გემს მარცვლეული გადაჰქონდა როსტოვიდან თურქეთის მიმართულებით. ეკიპაჟის 12 წევრიდან მხოლოდ ერთი გადარჩა.
