საქართველოს მთავრობის ადმინისტრაციაში უნგრეთის პრემიერ-მინისტრ ვიქტორ ორბანს საქართველოს პრემიერ-მინისტრი, გიორგი კვირიკაშვილი შეხვდა.
11:30 საათზე, ვიქტორ ორბანი და გიორგი კვირიკაშვილი მედიისთვის ერთობლივ განცხადებას გააკეთებენ.
უნგრეთის პრემიერ-მინისტრის ოფიციალური ვიზიტის ფარგლებში, თბილისში, სასტუმრო „ქორთიარდ მარიოტში“ საქართველო-უნგრეთის ბიზნესფორუმიც იმართება, რომლის მონაწილეებს პრემიერ-მინისტრები 12:00 საათზე მიმართავენ.
უნგრეთის პრემიერ-მინისტრი საქართველოს პრეზიდენტსა და პარლამენტის თავმჯდომარესაც შეხვდება.