გუშინ თბილისში ცირკის მიმდებარე ტერიტორიაზე ჰომოფობიურ ნიადაგზე ლგბტ აქტივისტს თავს დაესხნენ:
„გუშინ 22:50 წუთზე ცირკის მიმდებარე ტერიტორიაზე, მიწისქვეშა გადასასვლელთან თავს დამესხა ოთხი მამაკაცი. მანამდე არ ყოფილა სიტყვიერი შელაპარაკება, ან რამე მსგავსი. ზურგიდან მომეპარნენ. როცა გაქცევა დავაპირე, ძირს დაგდებული ჩანთისთვისაც არ მოუკიდიათ ხელი. ძირითადად, მირტყამდნენ თავის არეში. ირგვლივ არ იყო ხალხი. სიტყვიერი და ფიზიკური შეურაცხყოფა მომაყენეს. სავარაუდოდ, ნაციონალისტური ჯგუფების წარმომადგენლები იყვნენ. მათ ეკეთათ ნიღბები და ეცვათ ქურთუკები ნაციონალისტური ნიშნებით,“ - განაცხადა აქტივისტმა.
შსს ინფორმაციით, მომხდარზე გამოძიება დაწყებულია სისხლის სამართლის კოდექსის 126-ე მუხლით, რაც ძალადობას გულისხმობს. ლგბტ აქტივისტის უფლებებს EMC დაიცავს.
