მშვიდობის და სიყვარულის ქადაგება, საზოგადოებაში ტოლერანტობის ადა პლურალიზმის გავრცელება, მეტი თავისუფლების ქადაგება და გავრცელება - ასეთია საქართველოს ქრისტიანული, ევანგელური, პროტესტანტული ეკლესია „ბიბლიური თავისუფლების“ წესდებით გათვალისწინებული მიზნები;
ამავე წესდების მიხედვით, რელიგიური გაერთიანების მმართველობით ორგანო დამფუძნებელთა კრებაა. კრების კომპეტენციაში შედის სხვადასხვა რანგის ღვთისმსახურთა კურთხევა, რელიგიურ ცერემონიალთა გამართვა და ა.შ.
რელიგიური გაერთიანების მღვდელმსახურები არიან დამფუძნებლები: არჩილ ხაჩიძე, ლევან ჯგერენია, ნიკა ობოლაძე, რომელიც დამფუძნებელთა გადაწყვეტილებით მთავარ მღვდელმსამხურად აირჩიეს.
რაც შეეხება დამფუძნებელთა/წევრთა უფლებებს და მოვალეობს, ესაა: დამფუძნებლები განსაზღვრავენ მღვდელმსახურთა არჩევის წესს, აორგანიზებს მოწვეულ თეოლოგთა კრებას, განსაზღვრავენ რელიგიის წევრთათვის აუცილებლად შესასწავლ ლიტერატურას.
„გირჩის“ მიერ დაფუძნებული რელიგიური ორგანიზაცია - საქართველოს ქრისტიანული, ევანგელისტური, პროტესტანტული ეკლესია „ბიბლიური თავისუფლება" მღვდელმსახურის ცნობას გასცემს, რაც წვევამდელებს სამხედრო სამსახურის გადავადებაში ეხმარება.