საქართველოს პრეზიდენტი გიორგი მარგველაშვილი საკონსტიტუციო კომისიის მიერ მომზადებულ ცვლილელებს აფასებს. პრეზიდენტის პოზიცია მედიას დღეს მისმა პრესსპიკერმა, ეკა მიშველაძემ გააცნო.
გიორგი მარგველაშვილი მიიჩნევს, კონსტიტუციის წარმოდგენილ ვერსიაში სასამართლოს დამოუკიდებლობის ხარისხიც გაუარესებულია. როგორც ის ამბობს, სასამართლოს დამოუკიდებლობის ხარისხის გაუარესება უზენაესი სასამართლოს მოსამართლეების წარდგენის წესის შეცვლასა და მოსამართლეთა გამოსაცდელი ვადის შენარჩუნებაში გამოიხატება.
„საბოლოოდ კი, ეს ყველაფერი ასუსტებს ქვეყნის დემოკრატიულ განვითარებას“, - მიიჩნევს პრეზიდენტი.
