Freedom house-ის ანგარიშის მიხედვით, პრესის თავისუფლება საქართველოში 100-დან 50 ქულით შეფასდა, რაც იმას ნიშნავს, რომ წინა წელთან შედარებით შედეგი ერთი ქულით გაუარესდა. 2016 წლის ანგარიშის მიხედვით, საქართველოს 49 ქულა მიანიჭეს (რაც უფრო დაბალია პრესის თავისუფლების ინდექსი, მით უფრო მეტია პრესის თავისუფლების ხარისხი).

ანგარიშის თანახმად, საქართველო პრესის თავისუფლების მიხედვით, ნაწილობრივ  თავისუფალი ქვეყნების სიაშია. 199 ქვეყანას შორის საქართველო 102-ე ადგილს იკავებს და უსწრებს სომხეთს, თურქეთს, უკრაინას, აზერბაიჯანსა და რუსეთს.

პირველი ხუთეული ნორვეგიამ, შვედეთმა, ჰოლანდიამ, ფინეთმა და დანიამ დაიკავა. პრესის თავისუფლება კი ყველაზე ნაკლებად თურქმენეთში, ჩრდილო კორეასა და უზბეკეთშია დაცული.

საერთო მაჩვენებლებით, პრესის თავისუფლება დაცულია ქვეყნების 13%-ში; ნაწილობრივ  42%-ში; არ არის დაცული 45%-ში