„ჩვენ აქ მოვედით არა განხილვის ჩასაშლელად, არამედ მისი ფორმატის შესაცვლელად; ჩვენ გვსურდა სოციალურ-ეკონომიკურ პრობლემებზე საუბარი, მაგრამ პარლამენტის თავმჯდომარემ ეს არ ისურვა და შეურაცხყოფა მოგვაყენა" – განაცხადა „აუდიტორია 115-ის წევრმა“ ლევან ლორთქიფანიძემ.
საქართველოს პარლამენტის თავმჯდომარე ირაკლი კობახიძე საკონცერტო დარბაზში განვითარებულ მოვლენებს პროვოკაციად აფასებს. მან ჯგუფს, რომელიც საკონსტიტუციო პროექტის საყოველთაო-სახალხო განხილვის დაწყების საშუალებას არ აძლევდა, კომუნისტები უწოდა.
ფილარმონიაში კონსტიტუციის პროექტის განხილვა ჩაიშალა. პროცესი პარლამენტის თავმჯდომარემ შეწყვიტა.
„აუდიტორია 115-ს წევრებმა“ პროტესტი გამოხატეს 4 მეშახტის დაღუპვის გამო; მათ შეკითხვებიც დასვეს, თუმცა პასუხი ვერ მიიღეს.
განხილვა სტუდენტების პროტესტის ფონზე მიმდინარეობდა: „4 მეშახტე“, „კონსტიტუცია ხალხს“, – სკანდირებდნენ სტუდენტები.
