სახალხო დამცველთან არსებული რელიგიათა საბჭო სკოლებსა და უნივერსიტეტებს სასწავლო წლის კალენდრის შედგენისას მოსწავლეთა და სტუდენტთა რელიგიური ინტერესების გათვალისწინებისკენ მოუწოდებს.
საბჭოს მიერ მომზადებულ რეკომენდაციებში აღნიშნულია, რომ სასწავლო კალენდრის შედგენისას არ არის გათვალისწინებული საქართველოში რელიგიური მრავალფეროვნება; კერძდ, არ არის გათვალისწინებული მოსწავლის მიერ გამოცდების, ოლიმპიადების ან სხვადასხვა საგანმანათლებლო აქტივობის გაცდენის რელიგიური მიზეზები.
კიდევ ერთი პრობლემა, რომელზეც საბჭო ამახვილებს ყურადღებას, სასკოლო სახელმძღვანელოებში დომინანტი კულტურისა და რელიგიის უპირატესობის წარმოჩენის სურვილია.
„საქართველოში არსებული სხვა რელიგიური დონომინაციების შესახებ ინფორმაცია არასაკმარისადაა ან უარყოფით კონტექსტშია მოწოდებული. ზოგჯერ ინფორმაცია არასრულყოფილილია იმისთვის, რომ დაიფაროს ქართულ კულტურაში სხვადასხვა რელიგიების კვალი" - ნათქვამია საბჭოს მიერ მომზადბეულ დოკუმენტში, რომელიც განათლების სამინისტროს მოუწოდებს, სახელმძღვანელოს სტანდარტების შემუშავებისას ერთ-ერთ კრიტერიუმად რელიგიურად დაბალანსებული, არატენდენციური, პოზიტიური შინაარსი გამოიყენოს.
