ევროკავშირის სპეციალურ წარმომადგენელს სამხრეთ კავკასიასა და საქართველოს კრიზისების საკითხებში, ჰერბერტ ზალბერს დღეს საქართველოს საგარეო უწყებაში ელოდებიან.
ზალბერი რამდენიმე დღის წინ სოხუმში იმყოფებოდა, მანამდე კი ცხინვალში გამართა შეხვედრები. გავრცელებული ინფორმაციით ზალბერი სამხრეთ ოსეთის ე.წ. პრეზიდენტ ანატოლი ბიბილოვს შეხვდა და აღნიშნული თანამდებობის დაკავება მიულოცა.
იანოშ ჰერმანი ევროკავშირის სპეციალური წარმომადგენლის ჰერბერტ ზალბერის განცხადების გამო, რამდენიმე დღის წინ საგარეო საქმეთა სამინისტროში იყო დაბარებული. იგი საგარეო უწყების ხელმძღვანელის მოადგილეს, დავით დონდუას შეხვდა. როგორც იანოშ ჰერმანმა აღნიშნა, ევროკავშირი არ აღიარებს სამხრეთ ოსეთში გამართულ არჩევნებს და რომ ის გამოხატავს ევროკავშირის პოზიციას, კონკრეტულად ბიბილოვთან შეხვედრისა და განცხადებების შესახებ კი თავად ზალბერი გააკეთებს განმარტებას.