შვედეთის პროკურატურა WikiLeaks-ის დამფუძნებლის, ჯულიან ასანჟის წინააღმდეგ გაუპატიურების ბრალდებით დაწყებულ გამოძიებას წყვეტს.
Euronews-ის ინფორმაციით, ამის შესახებ განცხადება შვედეთის პროკურატურამ დღეს გაავრცელეა.
45 წლის ასანჟი ლონდონში ეკვადორის საელჩოში 2012 წლიდან ცხოვრობს. ამ გზით იგი შვედეთში ექსტრადიციას არიდებს თავს, სადაც მას გამოძიებამ გაუპატიურებისთვის წაუყენა ბრალი, რომელსაც ასანჟი უარყოფს.
ასანჟი შიშობდა, რომ შვედეთი მას აშშ-ის მთავრობას გადასცემდა, სადაც WikiLeaks-ით სამხედრო და დიპლომატიური საიდუმლო დოკუმენტების გავრცელებისთვის კანონის წინაშე მოუწევდა პასუხისგება.