შსს-ს ინფორმაციით, „მზიურში" ასაფეთქებელი ნივთიერება არ აღმოჩნდა. შეკითხვაზე, დაიწყება თუ არა გამოძიება ცრუ შეტყობინებისთვის, სამინისტროს პრესსამსახურში პასუხობენ, რომ აღნიშნულს შესაბამისი რეაგირება მოჰყვება.
„მზიურის" პაკრში ვარშუსის ფილმის, „პრაიდის" ჩვენება უნდა გამართულიყო. აღნიშნული ფილმის ჩვენების გასაპროტსტებლად „მზიურთან" სასულიერო პირები და მათი მრევლი შეიკრიბა.
მოგვიანებით, შსს-ს განცხადებით, პოლიციაში მზიურის პარკში ბომბის არსებობის შესახებ შეტყობინება შევიდა. ფილმის ჩვენებაზე მისულ მაყურებელს პარკის ტერიტორიის დატოვებისკენ მოუწოდეს. ფილმის ჩვენება შეწყდა.
ჩვენების ორგნიზატორის, მარიამ ქაჯაიას თქმით, პოლიციამ მათ ჩვენების შეწყვეტა ფილმის დაწყებიდან 5 წუთში მოსთხოვა და უთხრა, რომ 112-ზე მზიურის კაფეში ბომბის არსებობის შესახებ შევიდა შეტყობინება.
ფილმი ფემინისტების დამოუკიდებელ ჯგუფთან თანამშრომლობით, ჰომოფობიასთან, ტრანსფობიასთან და ბიფობიასთან ბრძოლის საერთაშორისო (International Day Against Homophobia, Transphobia and Biphobia - დღესთან დაკავშირებით შეირჩა.